| |
 |
| |
| ສິນເຊື່ອ ເອສເອັມອີ SME |
 ແມ່ນສິນເຊື່ອ ເພື່ອສົ່ງເສີມການຜະລິດເປັນສິນຄ້າ, ການຄ້າ, ການບໍລິການ ແລະອື່ນໆ ໂດຍເລັ່ງໃສ່ບັນດາ ຜູ້ປະກອບການວິສາຫະກິດຂະໜາດນ້ອຍ ແລະກາງໃນທຸກຂະແໜງການເສດຖະກິດ ໃຫ້ສາມາດເຂົ້າເຖິງແຫລ່ງເງິນກູ້ໄດ້ຫຼາຍຂຶ້ນ.
ທະນາຄານພັດທະນາລາວ ໃຫ້ບໍລິການດ້ານສິນເຊື່ອ SME ຫຼາກຫຼາຍຮູບແບບ ເຊັ່ນ: ເງິນກູ້ເປັນວົງ, ເງິນລ່ວງໜ້າ, ໃຫ້ກູ້ແບບເບີກເກີນບັນຊີ, ເງິນກູ້ໜູນວຽນ, ເງິນກູ້ເພື່ອເປີດໜັງສືສິນເຊື່ອເພື່ອການຄ້າຂາເຂົ້າ(L/C) ແລະ ໜັງສືຄໍ້າປະກັນຕ່າງໆ. |
| |
| ກໍານົດເວລາໃນການໃຫ້ສິນເຊື່ອແມ່ນປະກອບມີໄລຍະສັ້ນ, ກາງ ແລະ ຍາວ ໃນອັດຕາດອກເບ້ຍທີ່ກໍານົດອອກໃນແຕ່ລະໄລຍະ. ສໍາລັບແຕ່ລະສະກຸນເງິນ (ກີບ, ບາດ ແລະ ໂດລາສະຫະລັດ). |
| |
| ເປົ້າໝາຍຕົ້ນຕໍຂອງ ທະນາຄານພັດທະນາລາວ ໃນການໃຫ້ບໍລິການສິນເຊື່ອແມ່ນ: ເພື່ອສົ່ງເສີມ ແລະ ພັດທະນາວິສະຫະກິດຂະໜາດນ້ອຍ ແລະ ກາງ ໃນທຸກຂະແໜງການເສດຖະກິດ. ແນ່ໃສ່ການສົ່ງເສີມພື້ນຖານເສດຖະກິດຂອງຊາດໃຫ້ມີຄວາມເຂັ້ມແຂງ, ສ້າງວຽກເຮັດງານທໍາໃຫ້ປະຊາຊົນ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ. |
| |
| ຜູ້ທີ່ສາມາດກູ້ຢືມເງິນຕ້ອງມີເງື່ອນໄຂຕົ້ນຕໍຕ່າງໆເຊັ່ນ: ດໍາເນີນທຸລະກິດຖືກຕ້ອງຕາມກົດໝາຍ, ມີລະບຽບທຸລະກິດ, ທະບຽນອາກອນ ແລະ ໃບອະນຸຍາດເຄື່ອນໄຫວທຸລະກິດຖືກຕ້ອງ, ມີທຶນຕົນເອງປະກອບສ່ວນຈໍານວນໃດໜຶ່ງ, ມີແຫຼ່ງລາຍຮັບຕົ້ນຕໍ ແລະ ສໍາຮອງທີ່ແນ່ນອນໃດໜຶ່ງ ເພື່ອຮອງຮັບການຊໍາລະສະສາງ ແລະ ຫຼັກຄໍ້າປະກັນ. |
| ແຕ່ຢ່າງໃດກໍ່ຕາມ, ການປ່ອຍສິນເຊື່ອແມ່ນອີງໃສ່ປະສິດທິຜົນຂອງໂຄງການ ຫຼື ທຸລະກິດເປັນຫຼັກ. ໂດຍບໍ່ຖືເອົາຫຼັກຊັບ ຄໍ້າປະກັນເປັນບັນຫາສໍາຄັນຕົ້ນຕໍ. |
| |
| ສະຫຼຸບລວມແລ້ວ: ທຸກການເຄື່ອນໄຫວຂອງສິນເຊື່ອ ທະນາຄານພັດທະນາລາວ ແມ່ນປະຕິບັດຕາມຂໍ້ກໍານົດລະບຽບຂອງຕົນ ທີ່ສະພາບໍລິຫານຮັບຮອງເອົາແຕ່ລະໄລຍະ, ຂໍ້ກໍານົດ ແລະ ແຈ້ງການຕ່າງໆຂອງ ທະນາຄານແຫ່ງ ສ.ປ.ປ ລາວ ຕະຫຼອດຮອດກົດໝາຍຕ່າງໆ ແລະ ແນວທາງນະໂຍບາຍຂອງພັກ-ລັດ ທີ່ວາງອອກໃນແຕ່ລະໄລຍະ. |
| |
| ການປ່ອຍສິນເຊືອຕ້ອງໄດ້ຜ່ານການວິເຄາະປະເມີນຜົນໂດຍ ທະນາຄານພັດທະນາລາວ, ເລັ່ງໃສ່ຜົນຕອບແທນຂອງທຸລະກິດຂອງລູກຄ້າ ແລະ ຄວາມສ່ຽງທີ່ກ່ຽວຂ້ອງ, ມີຄວາມຢືດຢຸນໄດ້ ແຕ່ຕ້ອງນອນຢູ່ໃນເງື່ອນໄຂທີ່ຍອມຮັບໄດ້. ຮັບປະກັນດ້ານຄຸນນະພາບຂອງສິນເຊື່ອໂດຍລວມ, ດໍາເນີນຕາມພາລະບົດບາດທາງດ້ານການເມືອງ ແລະ ທຸລະກິດຂອງຕົນໃຫ້ມີປະສິດທິພາບ, ປະສິດຕິຜົນສູງ ແລະ ມີຜົນກໍາໄລ ເພື່ອປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດສັງຄົມຂອງລັດ, ປັບປຸງເງື່ອນໄຂຊີວິດການເປັນຢູ່ຂອງປະຊາຊົນໃຫ້ດີຂຶ້ນເປັນກ້າວໆ. |
| |
| |
|
|
