ບໍລິການນອກສະຖານທີ່ດ້ວຍລົດຕູ້ເຄື່ອນທີ່ຂອງ ທພລ. ປະຈຸບັນແມ່ນໄດ້ເປີດໃຫ້ບໍລິການແລ້ວ ໃນທຸກໆ
ວັນພຸດທີ່: ໂຮງຮຽນວິທະຍາໄລສັບພະວິຊາ, ວັນພະຫັດທີ່: ໂຮງຮຽນການເງິນດົງຄໍາຊ້າງ ແລະ ວັນສຸກທີ່: ໂຮງຮຽນກົດໝາຍພາກກາງ.
www.ldblao.com (Beta Lao version)
 
 
ເອທີເອັມ ATM
ບັດATMຂອງທະນາຄານພັດທະນາລາວ, ເປັນບັດທີ່ຊ່ວຍໃຫ້ທ່ານໃຊ້ຈ່າຍ, ຊື້ສິນຄ້າຢູ່ຕາມຫ້າງຮ້ານຕ່າງໆທີ່ເປັນສະມາຊິກເຄື່ອງ ຮູ້ດບັດຂອງທພລ, ໄດ້ຢ່າງສະດວກສະບາຍແລະໃຫ້ທ່ານສາມາດເບີກຖອນເງິນໄດ້ຕະຫຼອດ24ຊົ່ວໂມງຕາມທີ່ທ່ານຕ້ອງການ.
+ ລູກຄ້າສາມາດເລືອກໃບຖອນປະເພດໃບເງິນໄດ້ຕາມໃຈ (ໃບ 100,000. 50,000. 20,000) ວິທີການເລືອກໃບເງິນ.
 
I. ສິດທິປະໂຫຍດຕ່າງໆ
- ສາມາດຖອນເງິນຈາກຕູ້ATMໄດ້ຕະຫຼອດ24ຊົ່ວໂມງ.
- ສາມາດໂອນເງິນຈາກບັນຊີຫາບັນຊີຜ່ານລະບົບຕູ້ATM.
- ສາມາດໃຊ້ບັດATMຂອງທພລເພື່ອຊື້ສິນຄ້າຫຼືຊຳລະຄ່າບໍລິການໄດ້ຕາມຫ້າງຮ້ານຕ່າງໆທີ່ມີເຄື່ອງໝາຍຂອງ (ທພລ ຫຼື LDB) ແທນເງິນສົດ.
- ກໍລະນີບັດເສຍຫຼືຖືກລັກ, ທ່ານສາມາດຍົກເລີກການນໍາໃຊ້ບັດນັ້ນໄດ້ແລະຂໍອອກບັດໃໝ່ແທນ.
- ສາມາດກວດເບິ່ງຍອດເງິນທີ່ຍັງເຫຼືອຂອງທ່ານໃນບັດATMໄດ້ຕະຫຼອດເວລາ.
- ສາມາດສະເໜີຂໍອອກບັດATMໄດ້ທັນທີໂດຍຫຼືທ່ານສາມາດເປີດບັນຊີເງິນຝາກພ້ອມດຽວກັບເວລາທີ່ທ່ານສະເໜີຂໍອອກບັດໃໝ່ໄດ້.
 
II. ການບໍລິການຖອນເງິນຈາກຕູ້
- ທ່ານສາມາດຖອນເງິນຈາກຕູ້ATMໄດ້ມື້ໜຶ່ງສູງສຸດ: 6.000.000ກີບ.
- ມື້ໜຶ່ງສາມາດຖອນໄດ້ບໍ່ເກີນ: 6ຄັ້ງ.
- ສາມາດຖອນໄດ້ສູງສຸດ: 1.000.000ກີບ/ຄັ້ງ.
ພິເສດບັດຄໍາ:
- ທ່ານສາມາດຖອນເງິນໄດ້ຈາກຕູ້ATMໄດ້ມື້ໜຶ່ງສູງສຸດ: 10.000.000ກີບ.
- ມື້ໜຶ່ງສາມາດຖອນໄດ້ສູງສຸດ: 10ຄັ້ງ.
- ສາມາດຖອນໄດ້ສູງສຸດ: 1.000.000ກີບ/ຄັ້ງ.

ກໍລະນີຖອນເງິນຄົບກໍານົດ 6 ຄັ້ງແລ້ວ ແມ່ນຈະອະນຸຍາດໃຫ້ຖອນເພີ່ມໄດ້ຕື່ມອີກ 4 ຄັ້ງສໍາລັບບັດທໍາມະດາ ແລະ 5 ຄັ້ງສໍາລັບບັດຄໍາ. ແຕ່ທຸກຄັ້ງທີ່ຖອນເກີນແມ່ນຈະເກັບຄ່າທໍານຽມຄັ້ງລະ 2000 ກີບ.
 
III. ການບໍລິການໂອນເງິນຜ່ານຕູ້
- ເງິນກີບສາມາດໂອນໄດ້: 100ລ້ານກີບ/ບັນຊີ/ມື້.
- ເງິນໂດລາໂອນໄດ້: 15,000ໂດລາ/ບັນຊີ/ມື້.
- ເງິນບາດໂອນໄດ້: 300,000ບາດ/ບັນຊີ/ມື້.
ພິເສດບັດຄໍາ:
- ເງິນກີບສາມາດໂອນໄດ້: 150ລ້ານກີບ/ບັນຊີ/ມື້.
- ເງິນໂດລາໂອນໄດ້: 18,000ໂດລາ/ບັນຊີ/ມື້.
- ເງິນບາດໂອນໄດ້: 500,000ບາດ/ບັນຊີ/ມື້.
 
IV. ຄ່າທໍານຽມບໍລິການ ຖອນ/ໂອນເງິນ ເກີນກໍານົດວົງເງິນ ຜ່ານຕູ້ ເອທີເອັມ
ລ/ດ ປະເພດບັດ ລາຍການ ສະກຸນເງິນ ເນື້ອໃນ

ຈໍານວນ

ຄັ້ງ/ມື້

ຄ່າທໍານຽມ

ຕໍ່ຄັ້ງ/ກີບ

ວົງເງິນສູງສຸດ

ຕໍ່ຄັ້ງ

ວົງເງິນສູງສຸດ

ຕໍ່ມື້
1 ບັດຄໍາ ຖອນ ທຽບເທົ່າກີບ   5 2,000 ກີບ 1,000,000 ກີບ 5,000,000 ກີບ
ໂອນ ກີບ ຫາກີບ ບໍ່ກໍານົດ 5,000 ກີບ 50,000,000 ກີບ 50,000,000 ກີບ
ຫາສະກຸນເງິນອື່ນ ບໍ່ກໍານົດ 5,000 ກີບ 1,000,000 ກີບ 50,000,000 ກີບ
ໂດລາ ຫາໂດລາ ບໍ່ກໍານົດ 5,000 ກີບ 2,000 ໂດລາ 2,000 ໂດລາ
ຫາສະກຸນເງິນອື່ນ ບໍ່ກໍານົດ 5,000 ກີບ 300 ໂດລາ 2,000 ໂດລາ
ບາດ ຫາບາດ ບໍ່ກໍານົດ 5,000 ກີບ 200,000 ບາດ 200,000 ບາດ
ຫາສະກຸນເງິນອື່ນ ບໍ່ກໍານົດ 5,000 ກີບ 10,000 ບາດ 200,000 ບາດ
2 ບັດທໍາມະດາ ຖອນ ທຽບເທົ່າກີບ   4 2,000 ກີບ 1,000,000 ກີບ 4,000,000 ກີບ
ໂອນ ກີບ ຫາກີບ ບໍ່ກໍານົດ 5,000 ກີບ 50,000,000 ກີບ 50,000,000 ກີບ
ຫາສະກຸນເງິນອື່ນ ບໍ່ກໍານົດ 5,000 ກີບ 1,000,000 ກີບ 50,000,000 ກີບ
ໂດລາ ຫາໂດລາ ບໍ່ກໍານົດ 5,000 ກີບ 2,000 ໂດລາ 2,000 ໂດລາ
ຫາສະກຸນເງິນອື່ນ ບໍ່ກໍານົດ 5,000 ກີບ 300 ໂດລາ 2,000 ໂດລາ
ບາດ ຫາບາດ ບໍ່ກໍານົດ 5,000 ກີບ 200,000 ບາດ 200,000 ບາດ
ຫາສະກຸນເງິນອື່ນ ບໍ່ກໍານົດ 5,000 ກີບ 10,000 ບາດ 200,000 ບາດ
 
V. ຮູບແບບການບໍລິການບັດເອທີເອັມ
- ການຖອນ.
- ການໂອນ.
- ກໍລະນີມີ3ບັນຊີໃນບັດດຽວສາມາດໂອນລະຫວ່າງບັນຊີພາຍໃນບັດໄດ້ເທົ່າກັບຍອດເງິນຄົງເຫຼືອໃນບັນຊີນັ້ນໄດ້(ບໍ່ຈໍາກັດວົງເງິນ).
- ສອບຖາມຍອດເງິນຝາກໃນບັນຊີ.
- ພິມ Statement.
- ກວດອັດຕາແລກປ່ຽນ
- ບັດໜຶ່ງສາມາດມີ3ບັນຊີເຊັ່ນ: ເງີນ, ບາດ, ໂດລາ. ເວລາຖອນໄດ້ເປັນເງິນກີບ.
- ສາມາດເບິ່ງຍ້ອນຫຼັງການເຮັດທຸລະກໍາໄດ້5ຄັ້ງທີ່ຜ່ານມາ.
 
VI. ຄ່າທໍານຽມ
- ເປີດບໍລິການບັດໃໝ່ 40.000ກີບ/ບັດ
- ຄ່າທໍານຽມອອກບັດໃໝ່(ກໍລະນີບັດເສຍ) 30.000ກີບ/ບັດ
- ຄ່າທໍານຽມ ອອກລະຫັດໃໝ່(ກໍລະນີລືມລະຫັດບັດ) 10.000ກີບ/ບັດ
- ຄ່າທໍານຽມ ອອກບັດດ່ວນ(ສໍາລັບສໍານັກງານໃຫຍ່) 50.000ກີບ/ບັດ
- ຄ່າບໍລິການບັດຖືກກືນ (ບໍ່ແມ່ນບັດຂອງ ທພລ) 10.000ກີບ/ບັດ
- ຄ່າບໍລິການລາຍເດືອນ (ສໍາລັບລູກຄ້າທົ່ວໄປ) 5.000ກີບ/ບັນຊີ/ເດືອນ
- ຄ່າບໍລິການລາຍເດືອນ (ສໍາລັບພ/ງລັດບໍລິຫານ) 2.000ກີບ/ບັນຊີ/ເດືອນ
- ຄ່າທໍານຽມປົດບ໊ອກ (Block)ບັດ ATM ທພລ 10.000ກີບ/ຄັ້ງ
 
ເງື່ອນໄຂການນໍາໃຊ້ບັດ ເອທີເອັມ (ATM)
ທະນາຄານ ພັດທະນາລາວ ຕໍ່ໄປເອີ້ນວ່າ: "ທະນາຄານ" ໄດ້ໃຫ້ບໍລິການກ່ຽວກັບເອທີເອັມ, ເຊິ່ງບັດເອທີເອັມທີ່ທາງທະນາຄານອອກໃຫ້ຕໍ່ໄປເອີ້ນວ່າ: "ບັດ".
ບັນດາລູກຄ້າທີ່ໄດ້ຮັບການອະນຸມັດຈາກທະນາຄານໃນການຄອບຄອງບັດເອີ້ນວ່າ: "ຜູ້ຖືບັດ". ເຊິ່ງຜູ້ຖືບັດຍິນດີໃຫ້ຄວາມຮ່ວມມືໃນການປະຕິບັດຕາມຂໍ້ຕົກລົງ ແລະ ເງື່ອນໄຂໃນການນໍາໃຊ້ບັດຕາມລາຍລະອຽດດັ່ງຕໍ່ໄປນີ້:
 
1. ລູກຄ້າທີ່ຕ້ອງການນໍາໃຊ້ບັດເອທີເອັມຂອງ ທະນາຄານ ພັດທະນາລາວ ຈະຕ້ອງໄດ້ຂຽນໃບສະໝັກ ຂໍນໍາໃຊ້ບັດ ກັບທະນາຄານຕາມແບບຟອມທີ່ກໍານົດໄວ້.
 
2. ທາງທະນາຄານມີສິດຍົກເລີກ, ປະຕິເສດການນໍາໃຊ້ ຫຼື ໃຫ້ລູກຄ້າສົ່ງບັດຄືນໃຫ້ແກ່ທະນາຄານທັນທີ ໃນກໍລະນີກະທໍໍາຜິດກົດໝາຍ ຫຼື ບໍ່ປະຕິບັດຕາມເງື່ອນໄຂຂອງ ທະນາຄານ.
 
3. ການຖອນເງິນຫຼືນໍາໃຊ້ບັດແຕ່ລະຄັ້ງຈະຕ້ອງບໍ່ໃຫ້ເກີນວົງເງິນໃນບັນຊີຂອງຜູ້ຖືບັດ ແລະ ຕ້ອງຮັກສາຍອດເງິນໃນບັນຊີຕໍ່າສຸດ 20,000ກີບ, 500ບາດ, 20ໂດລາ.
 
4. ຜູ້ຖືບັດຈະຕ້ອງມີຄວາມຮັບຜິດຊອບໃນການຮັກສາບັດຂອງຕົນເປັນຢ່າງສູງ ຫາກບັດມີການຕົກເຮ່ຍເສຍຫາຍ ຫຼື ຢູ່ໃນການຄອບຄອງຂອງຜູ້ອື່ນ. ຜູ້ຖືບັດຕ້ອງໄດ້ແຈ້ງໃຫ້ທາງທະນາຄານຮັບຮູ້ທັນທີ ເພື່ອຢຸດການນໍາໃຊ້ບັດດັ່ງກ່າວ. ຖ້າຫາກບັດດັ່ງກ່າວໄດ້ຖືກນໍາໃຊ້ກ່ອນການແຈ້ງໃຫ້ໜ່ວຍງານຮັບຜິດຊອບຮັບຮູ້ ຜູ້ຖືບັດຈະຕ້ອງຮັບຜິດຊອບໃນການນໍາໃຊ້ບັດນັ້ນໆ.
 
5. ໃນການນໍາໃຊ້ບັດແຕ່ລະຄັ້ງ ທີ່ເຮັດໃຫ້ທາງທະນາຄານໄດ້ຈ່າຍເງິນໃຫ້ຜ່ານຕູ້ ATM ຜູ້ຖືບັດຈະຕ້ອງໄດ້ຮັບຜິດຊອບຕໍ່ທຸກລາຍການທີ່ເກີດຂຶ້ນຈາກການກະທໍານັ້ນໆ.
 
6. ທະນາຄານສາມາດຍົກເລີກ ຫຼື ປ່ຽນແປງ ບັນດາສິດ ແລະ ຜົນປະໂຫຍດຕ່າງໆຂອງ ຜູ້ຖືບັດຕາມທີ່ທາງທະນາຄານໄດ້ຈັດຫາໃຫ້ຕາມຄວາມເໝາະສົມ. ເມື່ອມີການປ່ຽນແປງໃດໆ ແມ່ນຈະມີຜົນບັງຄັບໃຊ້ໂດຍບໍ່ຕ້ອງໄດ້ບອກກ່າວໃຫ້ຮູ້ລ່ວງໜ້າ.
 
7. ບັນດາເອກະສານ ຫຼື ຫຼັກຖານຕ່າງໆທີ່ທາງທະນາຄານເຮັດຂຶ້ນມາເພື່ອທໍາການຫັກໂອນເງິນຈາກບັນຊີເງິນຝາກທຸກໆບັນຊີຂອງຜູ້ຖືບັດ, ຜູ້ຖືບັດຈະຕ້ອງຍອມຮັບວ່ານັ້ນເປັນຄໍາສັ່ງໃນການຈ່າຍເງິນ ຫຼື ຫັກເງິນຈາກບັນຊີເງິນຝາກຂອງຜູ້ຖືບັດ ໂດຍທີ່ຜູ້ຖືບັດບໍ່ຈໍາປັນຕ້ອງມີການລົງນາມໃນເອກະສານໃດໆເພີ່ມຕື່ມກັບທາງ ທະນາຄານ.
 
8. ຜູ້ຖືບັດສາມາດແຈ້ງຍົກເລີກການນໍາໃຊ້ບັດກັບທາງທະນາຄານໂດຍຕ້ອງມີເອກະສານລົງນາມທີ່ຊັດເຈນ ແລະ ຜູ້ຖືບັດສາມາດອອກບັດໃໝ່ເພື່ອປ່ຽນແທນບັດເກົ່າໄດ້ ໂດຍອີງໃສ່ເງື່ອນໄຂ ແລະ ຄວາມຍິນຍອມທີ່ໄດ້ຕົກລົງກັບທາງທະນາຄານ.
 
9. ຫາກມີການຍົກເລີກການນໍາໃຊ້ບັດ. ຜູ້ຖືບັດຈະຕ້ອງໄດ້ສົ່ງບັດຄືນໃຫ້ແກ່ທະນາຄານທັນທີ. ຖ້າຫາກວ່າບັດທີ່ຖືກຍົກເລີກນັ້ນມີການນໍາໃຊ້ໃນກໍລະນີໃດກໍ່ຕາມ, ຜູ້ຖືບັດຈະຕ້ອງຍິນຍອມໃຫ້ພາກສ່ວນທີ່ກ່ຽວຂ້ອງຍຶດບັດນັ້ນທັນທີ.
 
10. ຫາກຜູ້ຖືບັດຕ້ອງການອອກບັດໃໝ່ ໂດຍທີ່ບັດເກົ່າຍັງສາມາດໃຊ້ໄດ້ຢູ່, ຜູ້ຖືບັດຈໍາຕ້ອງໄດ້ເສຍຄ່າທໍານຽມໃນການອອກບັດໃໝ່ນັ້ນ ຕາມທີ່ທາງທະນາຄານໄດ້ກໍານົດໄວ້ ແລະ ການເກັບຄ່າທໍານຽມບໍາລຸງຮັກສາບັດ ແມ່ນທາງທະນາຄານຈະເກັບແຕ່ລະເດືອນໂດຍຫັກຈາກບັນຊີຂອງຜູ້ຖືບັດ.
 
11. ທາງທະນາຄານໄດ້ລະບຸຄ່າທໍານຽມໃນການອອກບັດ ແລະ ຄ່າທໍານຽມອື່ນໆທີ່ກ່ຽວຂ້ອງກັບການນໍາໃຊ້ເອທີເອັມຕາມແຕ່ລະໄລຍະ. ເຊິ່ງຜູ້ຖືບັດຕົກລົງໃນການເສຍຄ່າທໍານຽມນັ້ນໆ.
 
12. ຜູ້ຖືບັດຄວນປ່ຽນລະຫັດລັບ(PIN)ຂອງຕົນເອງທັນທີເມື່ອມີການນໍາໃຊ້ບັດຄັ້ງທໍາອິດ ແລະ ຄວນສະຫງວນລະຫັດລັບຂອງຕົນເອງໄວ້, ຖ້າຫາກມີບຸກຄົນອື່ນຮັບຮູ້ ແລະ ສາມາດນໍາໃຊ້ບັດຂອງຜູ້ຖືບັດໄດ້ທາງທະນາຄານຈະບໍ່ຮັບຜິດຊອບຕໍ່ການກະທໍານັ້ນແຕ່ຢ່າງໃດ.
 
13. ຜູ້ຖືບັດຈະຕ້ອງໄດ້ແຈ້ງໃຫ້ທາງທະນາຄານຮັບຮູ້ເມື່ອມີການປ່ຽນແປງຂໍ້ມູນກ່ຽວກັບຜູ້ຖືບັດ ເຊັ່ນມີການປ່ຽນແປງທີ່ພັກອາໄສ, ສະຖານທີເຮັດວຽກ ແລະ ຂໍ້ມູນອື່ນໆທີ່ມີຄວາມຈໍາເປັນ.
 
14. ຜູ້ຖືບັດຍິນຍອມໃຫ້ທາງທະນາຄານສອບຖາມ ຫຼື ເປີດເຜີຍເອກະສານບາງຢ່າງ ຫຼື ທັງໝົດກ່ຽວກັບຜູ້ຖືບັດໃຫ້ບຸກຄົນ ຫຼື ນິຕິບຸກຄົນທີ່ທາງທະນາຄານເຫັນສົມຄວນວ່າສາມາດເປີດເຜີຍຂໍ້ມູນໃຫ້ໄດ້ ເຖິງວ່າຈະມີການຍົກເລີກ ຫຼື ນໍາໃຊ້ບັດຢູ່ກໍ່ຕາມ.
 
15. ຜູ້ຖືບັດຈໍາຕ້ອງກວດສອບຄວາມຖືກຕ້ອງທຸກຄັ້ງເມື່ອໄດ້ຮັບໃບແຈ້ງຍອດເງິນພາຍຫຼັງການນໍາໃຊ້ຕູ້ ATM. ຖ້າຫາກມີຂໍ້ຜິດພາດໃຫ້ຜູ້ຖືບັດແຈ້ງຕໍ່ໜ່ວຍງານທີ່ກ່ຽວຂ້ອງຮັບຮູ້ທັນທີ. ຖ້າວ່າຜູ້ຖືບັດບໍ່ມີການທັກທ້ວງພາຍໃນ 5 ວັນໃນໂມງລັດຖະການ, ແມ່ນຖືວ່າຂໍ້ມູນທີ່ລະບຸໃນໃບແຈ້ງຍອດເງິນນັ້ນຖືກຕ້ອງ ແລະ ຜູ້ຖືບັດບໍ່ມີສິດໃນການທັກທ້ວງ ຫຼື ກ່າວອ້າງຕໍ່ກັບທະນາຄານແຕ່ຢ່າງໃດ.
 
16. ຖ້າຜູ້ຖືບັດມີບັນຫາໃດກ່ຽວກັບການນໍາໃຊ້ບັດ ຫຼື ກ່ຽວຂ້ອງກັບຕູ້ ATM ໃຫ້ຜູ້ຖືບັດເຂົ້າມາພົວພັນກັບຂະແໜງບໍລິການ ATM ຂອງທະນາຄານໂດຍກົງເພື່ອແກ້ໄຂບັນຫາໃຫ້ທ່ວງທັນ.
 
17. ການນໍາໃຊ້ບັດກັບເຄື່ອງຮູ້ດບັດອັດຕະໂນມັດທີ່ມີຂໍ້ຕົກລົງກັບທາງທະນາຄານຖືວ່າເປັນການກະທໍາທີ່ຖືກຕ້ອງ ແລະ ຜູ້ຖືບັດຈະຕ້ອງຮັບຜິດຊອບຕໍ່ທຸກລາຍການຂອງຕົນລວມທັງຄ່າທໍານຽມທີ່ເກີດຂຶ້ນຈາກການນໍາໃຊ້ບັດນັ້ນໆ.
 
18. ທະນາຄານສາມາດປັບປຸງ, ເພີ່ມຕື່ມ ແລະ ແກ້ໄຂ ລາຍລະອຽດຕ່າງໆຂອງຂໍ້ກໍານົດ ແລະ ເງື່ອນໄຂຕ່າງໆຂອງທະນາຄານພຽງຜູ້ດຽວ ໂດຍບໍ່ຈໍາເປັນຕ້ອງແຈ້ງໃຫ້ຜູ້ຖືບັດຮັບຮູ້ລ່ວງໜ້າ.
 
19. ຂໍ້ຕົກລົງ ແລະ ເງື່ອນໄຂທັງໝົດທີ່ກໍານົດໄວ້ຂ້າງເທິງນັ້ນແມ່ນຢູ່ພາຍໃຕ້ກົດລະບຽບພາຍໃນຂອງ ທະນາຄານພັດທະນາລາວ ກໍ່ຄືກົດໝາຍຂອງ ສ.ປ.ປ.ລາວ.
 
© Copyright 2012 Lao Development Bank All rights reserved.