| |
 |
| |
| ຄວາມເປັນມາຂອງທະນາຄານພັດທະນາລາວ |
| ທະນາຄານພັດທະນາລາວ ໄດ້ຮັບການອະນຸມັດສ້າງຕັ້ງຂຶ້ນໂດຍທະນາຄານແຫ່ງ ສປປ ລາວ ຕາມເອກະສານເລກທີ 09/ທຫລ, ລົງວັນທີ່ 19 ມີນາ 2003 ແລະ ຕາມຂໍ້ຕົກລົງຂອງນາຍຍົກລັດຖະມົນຕີວ່າການກະຊວງການເງິນສະບັບເລກທີ 2582/ກງ, ລົງວັນທີ 10 ທັນວາ 2002. ທະນາຄານພັດທະນາລາວ ໄດ້ເປີດປ້າຍສະເໜີຕໍ່ມວນຊົນທັງພາຍໃນ ແລະ ຕ່າງປະເທດຢ່າງເປັນທາງ ການໃນວັນທີ 09 ເມສາ 2003 ເປັນຕົ້ນມາ. ເຊິ່ງມີສໍານັກງານໃຫຍ່ຕັ້ງຢູ່ອາຄານ ເລກທີ່ 013 ຖະໜົນ ສຸພານຸວົງ, ບ. ສີຫອມ, ມ. ຈັນທະບູລີ, ນະຄອນຫລວງວຽງຈັນ. |
| |
| ທະນາຄານພັດທະນາລາວ ສ້າງຕັ້ງຂື້ນໂດຍຫັນເອົາ 2 ທະນາຄານທຸລະກິດລັດລວມຕົວເຂົ້າກັນ, ເຊິ່ງປະກອບມີ: ທະນາຄານລາວໃໝ່ຈໍາກັດ ແລະ ທະນາຄານລ້ານຊ້າງຈໍາກັດ ພ້ອມກັນນີ້ກໍ່ໂຮມເອົາຊັບສິນ, ໜີ້ສີນ ແລະ ພະນັກງານທະນາຄານທັງໝົດເຂົ້າກັນ. ການລວມຕົວກັນຄັ້ງນີ້ແມ່ນ ເພື່ອຈຸດປະສົງ ເປັນການຟື້ນຟູ, ສ້າງຄວາມໝັ້ນຄົງແຂງແກ່ນ, ເປັນທີ່ໄວ້ວາງໃຈຂອງສັງຄົມ, ຫັນເອົາວຽກງານທະນາຄານໄປສູ່ການດໍາເນີນທຸລະກິດທີ່ມີການໄລ່ລຽງ ທັງອໍານວຍຄວາມສະດວກ ໃຫ້ແກ່ການພັດທະນາເສດຖະກິດ-ສັງຄົມ ຂອງປະເທດພຽບພ້ອມໄປດ້ວຍບຸກຄະລາກອນທີ່ມີຄຸນນະພາບ, ມີຄວາມສາມາດຢ່າງກ້ວາງຂວາງ ແລະ ທັນສະໄໝກວ່າເກົ່າ. ຮັບປະກັນໄດ້ສິດຜົນປະໂຫຍດຂອງລູກຄ້າຜູ້ໃຊ້ບໍລິການ ເວົ້າສະເພາະແມ່ນການຜັນຂະຫຍາຍ ແລະ ຈັດຕັ້ງມະຕິກອງປະຊຸມໃຫຍ່ກໍຄືບັນດາຄາດໝາຍສູ້ຊົນທີ່ພັກ ແລະ ລັດຖະບານໄດ້ກໍານົດອອກໄວ້ນັ້ນໃຫ້ປະກົດຜົນເປັນຈິງ. |
| |
| ວິໄສທັດ |
| ເປັນທະນາຄານທຸລະກິດຂອງລັດທີ່ດໍາເນີນທຸລະກິດຢູ່ໃນ ສ.ປ.ປ ລາວ, ເປັນຜູ້ນໍາໜ້າໃນການສົ່ງເສີມພັດທະນາທຸລະກິດຂະໜາດນ້ອຍ ແລະ ຂະໜາດກາງ ດ້ວຍຄວາມມຸ້ງໝັ້ນໃນການເປັນຜູ້ນໍາທາງດ້ານການບໍລິການໃນລະດັບສູງ ແນ່ໃສ່ເຮັດໃຫ້ທຸລະກິດຂະຫຍາຍຕົວຢ່າງຕໍ່ເນື່ອງ. |
| |
| ໜ້າທີ |
| ຕອບສະໜອງຕາມທິດທາງ, ແນວທາງແຜນນະໂຍບາຍຂອງພັກ ແລະ ລັດຖະບານທາງດ້ານວຽກງານການເງິນ-ການທະນາຄານ. ຮັບປະກັນການສະໜອງທຶນໃຫ້ພຽງພໍ ສົ່ງເສີມສ້າງຄວາມໝັ້ນຄົງ ແລະ ການຈະເລີນເຕີບໂຕທີ່ມີຜົນຕອບແທນສູງ. ຮັບປະກັນຄວາມປອດໄພ, ວ່ອງໄວ, ທັນສະໄໝ ແລະ ຮັບໃຊ້ປະຊາຊົນ. |
| |
| |
|
|
